തിരുവനന്തപുരം: പശ്ചിമേഷ്യയിൽ അമേരിക്കയും ഇറാനും തമ്മിലുള്ള സംഘർഷം വീണ്ടും ശക്തമായതോടെ സ്വർണവിലയിൽ വർധനവ് രേഖപ്പെടുത്തി. കേരളത്തിൽ ഇന്ന് രാവിലെ പ്രഖ്യാപിച്ച വിലയിൽ നിന്ന് 22 കാരറ്റ് സ്വർണത്തിന് ഒരു ഗ്രാമിന് 125 രൂപയും ഒരു പവന് 1,000 രൂപയുമാണ് വർധിച്ചത്. ഇന്ന് രാവിലെ ഒരു ഗ്രാം സ്വർണത്തിന് 13,245 രൂപയും ഒരു പവൻ സ്വർണത്തിന് 1,05,960 രൂപയുമായിരുന്നു വില. അന്താരാഷ്ട്ര വിപണിയിലെ അനിശ്ചിതത്വവും യുദ്ധഭീതിയുമാണ് സ്വർണവിലയിലെ മാറ്റത്തിന് കാരണമെന്നാണ് വിലയിരുത്തൽ.