പത്തനംതിട്ട: അടൂർ പഴകുളത്ത് ഒമ്പത് വയസ്സുള്ള രണ്ട് പെൺകുട്ടികളെ കാറിൽ കയറ്റിക്കൊണ്ടുപോകാൻ ശ്രമിച്ചതായി പരാതി. സമീപവാസിയായ സ്ത്രീ ബഹളംവെച്ചതോടെ കാർ വേഗത്തിൽ സ്ഥലത്തുനിന്ന് കടന്നുകളഞ്ഞതായാണ് കുട്ടികളുടെ മൊഴി. കൊടുമൺ അങ്ങാടിക്കലിലും അഞ്ചാം ക്ലാസ് വിദ്യാർഥിയെ കാറിലെത്തിയ സ്ത്രീയും പുരുഷനും ചേർന്ന് തട്ടിക്കൊണ്ടുപോകാൻ ശ്രമിച്ചതായി പരാതിയുണ്ട്. രണ്ട് സംഭവങ്ങൾക്കു പിന്നിലും ഒരേ സംഘമാണോയെന്ന് പൊലീസ് അന്വേഷിച്ചുവരികയാണ്. തിങ്കളാഴ്ച വൈകീട്ടാണ് പഴകുളത്ത് സംഭവം നടന്നത്. മദ്രസയിൽനിന്ന് വീട്ടിലേക്ക് മടങ്ങുകയായിരുന്ന ഒമ്പത് വയസ്സുള്ള രണ്ട് പെൺകുട്ടികൾ കനാൽ റോഡിലെ കാടുപിടിച്ച ഭാഗത്തെത്തിയപ്പോഴാണ് […]