കൊച്ചി: എറണാകുളം മലയിടംതുരുത്തിലെ കുടിയൊഴിപ്പിക്കലുമായി ബന്ധപ്പെട്ട് പെരുമ്പാവൂർ മുൻസിഫ് കോടതിയിലെ എല്ലാ നടപടികൾക്കും ഹൈക്കോടതി സ്റ്റേ. ഒരു വർഷത്തേക്ക് എല്ലാ നടപടികളും നിർത്തിവെക്കണമെന്നാണ് ഹൈക്കോടതി നിർദേശം. ഒരു വർഷത്തിനുള്ളിൽ കുടുംബങ്ങളുടെ പുനരധിവാസം പൂർത്തിയാക്കും എന്ന കരാറിന്റെ അടിസ്ഥാനത്തിലാണ് സ്റ്റേ അനുവദിച്ചത്. മലയിടംതുരുത്തിലെ കുടുംബങ്ങൾക്ക് തർക്കഭൂമിക്കടുത്ത് തന്നെ വീട് നിർമ്മിച്ച് നൽകുമെന്ന് സർക്കാർ നേരത്തെ അറിയിച്ചിരുന്നു. പുതിയ വീട് നിർമ്മിക്കുന്നതുവരെ നിലവിലെ സ്ഥലത്ത് തന്നെ താമസിക്കാമെന്നും, സമരക്കാർക്കെതിരെ എടുത്ത എല്ലാ കേസുകളും പിൻവലിക്കുമെന്നും ധാരണയായിരുന്നു. ശങ്കരൻ നായരുടെ സ്ഥലത്ത് […]