കണ്ണൂർ: മാരക മയക്കുമരുന്നായ എം.ഡി.എം.എയുമായി യുവാവ് കൂത്തുപറമ്പ് പൊലീസിന്റെ പിടിയിലായി. കോട്ടയം പൊയിൽ സ്വദേശി സി.എച്ച് അഷ്ക്കറിനെയാണ് കൂത്തുപറമ്പ് എസ്.ഐ വിപിന്റെ നേതൃത്വത്തിലുള്ള സംഘം അറസ്റ്റ് ചെയ്തത്. ഇയാളിൽ നിന്ന് 12 ഗ്രാം എം.ഡി.എം.എ പിടിച്ചെടുത്തു.ബാംഗ്ലൂരിൽ നിന്നും കേരളത്തിലേക്ക് സ്വകാര്യ ബസിൽ മയക്കുമരുന്ന് കടത്തിക്കൊണ്ടുവരുന്നതിനിടെയാണ് പ്രതി പിടിയിലായത്. രഹസ്യ വിവരത്തിന്റെ അടിസ്ഥാനത്തിൽ പോലീസ് നടത്തിയ പരിശോധനയിലാണ് മയക്കുമരുന്ന് കണ്ടെടുത്തത്. ലഹരി മരുന്ന് എത്തിക്കുന്ന ശൃംഖലയെക്കുറിച്ച് പോലീസ് അന്വേഷണം ഊർജിതമാക്കിയിട്ടുണ്ട്.