തിരുവനന്തപുരം: സോഷ്യൽ മീഡിയ റീലുകളിലൂടെ ശ്രദ്ധ നേടിയ മിമിക്രി താരം ശരത് ഉണ്ണിത്താൻ അന്തരിച്ചു. അദ്ദേഹത്തിന്റെ സോഷ്യൽ മീഡിയ അക്കൗണ്ടിലൂടെ സുഹൃത്തുക്കളാണ് മരണവാർത്ത അറിയിച്ചത്. അമേരിക്കയിൽവെച്ച് കുഴഞ്ഞുവീണതാണ് മരണകാരണമെന്ന് റിപ്പോർട്ട്. നടി സ്നേഹ ശ്രീകുമാർ ഉൾപ്പെടെ നിരവധി പേർ ശരത്തിന് ആദരാഞ്ജലികൾ അർപ്പിച്ചു. ആലപ്പുഴ ജില്ലയിലെ കറ്റാനം സ്വദേശിയായ ശരത്, അമേരിക്കയിൽ ജോലി ചെയ്യുന്നതിനിടെയാണ് മരണപ്പെട്ടതെന്ന് അവർ കുറിച്ചു. ‘ഗുണ്ട ബിനു’ എന്ന പേരിൽ സോഷ്യൽ മീഡിയയിൽ നിരവധി വൈറൽ റീലുകൾ ചെയ്താണ് ശരത് ശ്രദ്ധ നേടിയത്. […]