കടവന്ത്രയിലും മോർഫിംഗ്; ചിത്രങ്ങൾ ടെലഗ്രാം ഗ്രൂപ്പുകളിൽ പ്രചരിച്ചതായി പരാതി
കൊച്ചി: എറണാകുളം കടവന്ത്രയിൽ മോർഫിംഗ് സംബന്ധിച്ച് യുവതിയുടെ പരാതി. ജോലിക്കായി നഗരത്തിൽ സ്ഥിരതാമസമാക്കിയ മൂവാറ്റുപുഴ സ്വദേശിനിയാണ് കടവന്ത്ര പൊലീസിൽ പരാതി നൽകിയത്. യുവതി ഇൻസ്റ്റഗ്രാമിൽ പങ്കുവെച്ച ചിത്രങ്ങളും ബന്ധുവിന്റെ കൈവശമുണ്ടായിരുന്ന ചിത്രങ്ങളും മോർഫ് ചെയ്ത് ടെലഗ്രാം ഗ്രൂപ്പുകളിൽ പ്രചരിപ്പിച്ചതായാണ് പരാതി. പരാതിയുടെ അടിസ്ഥാനത്തിൽ യുവതിയുടെ ബന്ധുവിനെ പൊലീസ് ചോദ്യം ചെയ്യാനായി വിളിപ്പിക്കുമെന്ന് കടവന്ത്ര പൊലീസ് അറിയിച്ചു. സംഭവത്തിൽ കൂടുതൽ അന്വേഷണം നടത്തിവരികയാണ്.
Read more
