തിരുവനന്തപുരം: സംസ്ഥാനത്തിന്റെ ഔദ്യോഗിക മലയാളം പേരിൽ ‘കേരള’ എന്നത് ‘കേരളം’ എന്ന് തിരുത്താൻ നിലവിലുള്ള രേഖകളും സാമഗ്രികളും ഉപേക്ഷിച്ച് അധിക ചെലവ് നടത്തേണ്ടതില്ലെന്ന് സർക്കാർ. പേരുമാറ്റവുമായി ബന്ധപ്പെട്ട് ചീഫ് സെക്രട്ടറി ബിശ്വനാഥ് സിന്‍ഹ പുറത്തിറക്കിയ സർക്കുലറിലാണ് നിർദേശങ്ങൾ വ്യക്തമാക്കിയത്. നിലവിലുള്ള പേപ്പറുകൾ, ഫയലുകൾ, ലെറ്റർഹെഡുകൾ, കവറുകൾ, ഫോമുകൾ, രജിസ്റ്ററുകൾ തുടങ്ങിയവ വെറുതെ നശിപ്പിക്കരുതെന്നാണ് സർക്കുലറിലെ പ്രധാന നിർദേശം. നിലവിലുള്ള സ്റ്റോക്ക് തീരുന്നതുവരെ ആവശ്യമായിടത്ത് മഷി ഉപയോഗിച്ച് അധിക അക്ഷരം ചേർത്ത് ‘കേരള’ എന്നത് ‘കേരളം’ എന്ന് തിരുത്താം. […]