വയനാട്: ഡിസിസി ട്രഷറര്‍ എന്‍ എം വിജയന്റെയും മകന്റെയും മരണത്തില്‍ പ്രതികളായ കോണ്‍ഗ്രസ് നേതാക്കള്‍ ഒളിവിലെന്ന് സൂചന. പ്രധാന പ്രതികളായ ഐ സി ബാലകൃഷ്ണനും, എന്‍ ഡി അപ്പച്ചനും രഹസ്യകേന്ദ്രത്തിലേക്ക് മാറി. മൂന്ന് നേതാക്കളും ഹൈക്കോടതിയില്‍ മുന്‍കൂര്‍ ജാമ്യാപേക്ഷ നല്‍കിയിട്ടുണ്ട്. ജാമ്യാപേക്ഷയിലെ വിധി നേതാക്കള്‍ക്ക് നിര്‍ണ്ണായകമാകും. നേതാക്കളെ ഇന്നലെ പ്രതികളായി ചേര്‍ത്തതോടെയാണ് മുന്‍കൂര്‍ ജാമ്യത്തിനുള്ള ശ്രമങ്ങള്‍ ആരംഭിച്ചത്. എന്‍. എം വിജയന്റെ ആത്മഹത്യക്കുറിപ്പിലെ ആരോപണങ്ങളാണ് കേസിന് വഴിത്തിരിവായത്. ഡിസിസി പ്രസിഡന്റും എംഎല്‍എയും ഉള്‍പ്പെടെ ജില്ലയിലെ പ്രമുഖ നേതാക്കള്‍ […]