ദോഹ: ഖത്തറിൽ ഉണ്ടായ ഹെലികോപ്റ്റർ അപകടത്തിൽ ഏഴാമത്തെ സൈനികന്റെ മൃതദേഹവും കണ്ടെത്തി. ഇതോടെ ഹെലികോപ്റ്ററിലുണ്ടായിരുന്ന ഏഴ് പേരും മരണപ്പെട്ടതായി സ്ഥിരീകരിച്ചു. ഇതിന് മുൻപ് ആറു പേരുടെ മൃതദേഹങ്ങൾ തെരച്ചിലിൽ കണ്ടെത്തിയിരുന്നു. വിവിധ സുരക്ഷാ വിഭാഗങ്ങൾ സംയുക്തമായാണ് തെരച്ചിൽ പ്രവർത്തനങ്ങൾ നടത്തിയത്. സൈനിക ഹെലികോപ്റ്റർ കടലിൽ തകർന്നു വീഴുകയായിരുന്നു. സാധാരണ ഡ്യൂട്ടിക്കിടെ ഉണ്ടായ സാങ്കേതിക തകരാറാണ് അപകടത്തിന് കാരണമെന്നാണ് പ്രാഥമിക വിവരം. ഖത്തർ പ്രതിരോധ മന്ത്രാലയവും ആഭ്യന്തര മന്ത്രാലയവും സംഭവത്തെ സ്ഥിരീകരിച്ചിട്ടുണ്ട്.