തൃശ്ശൂർ: കുന്നംകുളത്തെ റവന്യൂ സേവനങ്ങൾ കൂടുതൽ കാര്യക്ഷമവും സുതാര്യവുമാക്കുന്നതിന് നിർമിക്കുന്ന താലൂക്ക് ആസ്ഥാന മന്ദിരത്തിന്റെ നിർമ്മാണം അവസാന ഘട്ടത്തിലേക്ക്. 24 കോടി രൂപ ചെലവിൽ നിർമിക്കുന്ന ആധുനിക താലൂക്ക് ആസ്ഥാന മന്ദിരം ഫെബ്രുവരി മാസത്തിൽ നാടിന് സമർപ്പിക്കും. നിർമ്മാണ പ്രവൃത്തികളുടെ പുരോഗതി വിലയിരുത്തുന്നതിനായി അവസാനഘട്ട പ്രവർത്തനങ്ങൾ നേരിൽ സന്ദർശിച്ച് വിലയിരുത്തി.കുന്നംകുളം നഗരസഭാ പ്രദേശത്തെ കുറുക്കൻപാറയിൽ നാല് ഏക്കർ സ്ഥലത്താണ് അഞ്ചുനിലകളിലായി 37,000 ചതുരശ്ര അടിയിൽ കെട്ടിടം നിർമിച്ചിരിക്കുന്നത്. 1.6 കോടി രൂപ ചെലവിൽ ചുറ്റുമതിൽ നിർമ്മാണവും അന്തിമഘട്ടത്തിലാണ്. […]