കൊച്ചി: തൃക്കാക്കര പൊലീസ് സ്റ്റേഷനിൽ നിന്നും മെഡിക്കലിന് എത്തിച്ച പ്രതി ചാടി പോയി. കളമശ്ശേരി മെഡിക്കൽ കോളേജിൽ മെഡിക്കലിന് എത്തിച്ച പ്രതിയാണ് ചാടിപോയത്. ഇന്ന് ഉച്ചയ്ക്ക് 2 മണിക്കാണ് സംഭവം. അസദുള്ള എന്ന പ്രതിയാണ് രക്ഷപ്പെട്ടത്. തൃക്കാക്കര പൊലീസ് കസ്റ്റഡിയിലെടുത്ത മോഷണക്കേസ് പ്രതിയാണ് മെഡിക്കൽ കോളേജിൽ നിന്നും രക്ഷപ്പെട്ടത്. പൊലീസ് മെഡിക്കൽ പരിശോധനയ്ക്കായി പ്രതിയെ എത്തിച്ചതായിരുന്നു. നിരവധി മോഷണ കേസുകളിലെ പ്രതിയാണ് അസദുള്ള. പ്രതിക്കായി പൊലീസ് അന്വേഷണം ആരംഭിച്ചു.