തിരുപ്പതി: ഹിന്ദു മതം പിന്തുടരാത്ത ജീവനക്കാരിക്കെതിരെ നടപടിയുമായി തിരുപ്പതി – തിരുമല ദേവസ്വം ബോർഡ്. ദേവസ്വം ബോർഡിന് കീഴിലെ പോളിടെക്നിക് പ്രിൻസിപ്പൽ അന്‍ഷുതയെ സ്ഥലം മാറ്റിക്കൊണ്ടുളള നടപടിയാണ് സ്വീകരിച്ചത്. അൻഷുതയെ നരസിംഗപുരം ഫാർമസിയിലേക്കു മാറ്റിക്കൊണ്ടാണ് നടപടി എടുത്തിരിക്കുന്നത്. നേരത്തെ ഹിന്ദുമത വിശ്വാസം പിന്തുടർന്നു കൊള്ളാമെന്ന് ഉറപ്പ് നൽകിയായിരുന്നു ഇവർ ജോലിയിൽ പ്രവേശിച്ചത്. എന്നാൽ ജോലിയിൽ പ്രവേശിച്ച ഇവർ ഹിന്ദുമത വിശ്വാസങ്ങൾ പിന്തുടരുന്നില്ലെന്ന് ചൂണ്ടിക്കാണിച്ചാണ് നടപടി. അൻഷുതക്കെതിരെ സഹപ്രവർത്തകൻ സ്വഭാവ ദൂഷ്യത്തിനും ക്രമക്കേടിനും പരാതി നൽകിയിരുന്നെന്നും ടിടിഡി വ്യക്തമാക്കിയിട്ടുണ്ട്.