തിരുപ്പതി: തിരുപ്പതി റെയില്‍വേ സ്റ്റേഷന് സമീപം നിര്‍ത്തിയിട്ട ട്രെയിനുകളില്‍ തീപ്പിടിത്തം. രാജസ്ഥാനില്‍ നിന്ന് ആന്ധ്രാപ്രദേശിലെ തിരുപ്പതിയിലേക്ക് പോകുകയായിരുന്ന ഹിസാര്‍ ട്രെയിനിന്റെ ഒരു കോച്ചിലൂടെയാണ് തീ പടർന്നത്. തുടർന്ന് തൊട്ടടുത്ത ട്രാക്കിലുണ്ടായിരുന്ന റായലസീമ എക്‌സ്പ്രസിന്റെ ജനറേറ്റര്‍ കോച്ചിലേക്കും തീ പടര്‍ന്നു.

തീപിടുത്തത്തിൽ തിരുപ്പതി-ഹിസാര്‍ ട്രെയിനിന്റെ കമ്പാർട്ടുമെന്റുകള്‍ കത്തിനശിച്ചു. റായലസീമ എക്‌സ്പ്രസിന്റെ ജനറേറ്റര്‍ കോച്ച് ഭാഗികമായി നശിക്കുകയും ചെയ്തു. സംഭവത്തിൽ റെയില്‍ അടിയന്തര നടപടി സ്വീകരിച്ചു. തീപ്പിടിത്തം നിയന്ത്രണ വിധേയമായെന്നാണ് പുറത്തുവരുന്ന റിപ്പോര്‍ട്ടുകള്‍. സംഭവത്തില്‍ ആര്‍ക്കും പരിക്കില്ലെന്നാണ് പ്രാഥമിക വിവരം.

Content: Trains parked in Tirupati catch fire