ചങ്ങരംകുളം: മദ്യലഭ്യത കുറയ്ക്കുമെന്നും പുതിയ ബാറുകൾ അനുവദിക്കില്ലെന്നും നൽകിയ വാഗ്ദാനങ്ങൾ ലംഘിച്ച് സംസ്ഥാനത്ത് മദ്യവിൽപ്പന വർധിപ്പിച്ചുവെന്നാരോപിച്ച് എൽ.ഡി.എഫ് സർക്കാരിനെ തിരുത്തണമെന്ന് ആവശ്യപ്പെട്ടുകൊണ്ടുള്ള കേരള മദ്യനിരോധന സമിതി സംഘടിപ്പിച്ച വാഹനജാഥ ചങ്ങരംകുളത്ത് സമാപിച്ചു.
നിലമ്പൂരിൽ നിന്ന് ആരംഭിച്ച ജാഥയുടെ സമാപനയോഗം മദ്യനിരോധന സമിതി സംസ്ഥാന പ്രസിഡന്റ് ഇയ്യാച്ചേരി കുഞ്ഞികൃഷ്ണൻ ഉദ്ഘാടനം ചെയ്തു. അഡ്വ. സുജാത വർമ്മ, മജീദ് മാടമ്പാട്ട്, പി.കെ. സത്യപാലൻ, മുജീബ് കോക്കൂർ, പി. കോയക്കുട്ടി മാസ്റ്റർ, ഡോ. വിൻസെന്റ് മാളിയേക്കൽ, ടി.വി. മുഹമ്മദ് അബ്ദുറഹിമാൻ, ഉമ്മർ മഞ്ചേരി, ആമിന അഷ്റഫ്, പി. അബ്ദുസലാം, സിദ്ദീഖ് മൗലവി അയിലക്കാട്, അടാട്ട് വാസുദേവൻ എന്നിവരും സംസാരിച്ചു.
