കല്പ്പറ്റ: വയനാട് 900 കണ്ടിയില് റിസോര്ട്ടിലെ ഷെഡ് തകര്ന്നുവീണ് വിനോദ സഞ്ചാരി മരിച്ച സംഭവത്തില് രണ്ട് പേര് അറസ്റ്റില്. റിസോര്ട്ട് മാനേജര് സ്വച്ഛന്ത്, സൂപ്പര്വൈസര് അനുരാഗ് എന്നിവരെയാണ് മേപ്പാടി പൊലീസ് അറസ്റ്റ് ചെയ്ത് റിമാന്ഡ് ചെയ്തത്. മനപൂര്വ്വമല്ലാത്ത നരഹത്യക്കാണ് കേസെടുത്തിരിക്കുന്നത്.
മേപ്പാടി 900 കണ്ടിയിലെ ‘900 വെഞ്ചേഴ്സ്’ എന്ന റിസോര്ട്ടില് നിര്മ്മിച്ച ഷെഡ് ആണ് തകര്ന്നുവീണത്. മരത്തടികള് കൊണ്ട് നിര്മ്മിച്ച പുല്ലുമേഞ്ഞ ഷെഡ് തകർന്നു വീഴുക്കയായിരുന്നു. അപകടത്തില് നിലമ്പൂര് അകമ്പാടം സ്വദേശിയായ നിഷ്മ മരണപ്പെടുകയും മൂന്ന് പേര്ക്ക് പരിക്കേല്ക്കുകയും ചെയ്തിരുന്നു.സംഭവത്തില് ദുരൂഹതയുണ്ടോയെന്നും പൊലീസ് പരിശോധിക്കും.
