പാലക്കാട്: പാലക്കാട് നഗരസഭയുടെ ഭിന്നശേഷി നൈപുണ്യ കേന്ദ്രത്തിന് ആര്എസ്എസ് നേതാവിന്റെ പേര് ഇട്ടതിൽ പ്രതിഷേധിച്ച് യൂത്ത് കോണ്ഗ്രസ് പ്രവര്ത്തകരും ഡിവൈഎഫ്ഐ പ്രവര്ത്തകരും രംഗത്ത്. ഇരു വിഭാഗവും സ്ഥലത്തെത്തി തറക്കലിടൽ ചടങ്ങ് തടഞ്ഞ് പ്രതിഷേധിച്ചു. തറക്കല്ലിടുന്നതിനായി എടുത്ത കുഴിയിൽ ഇറങ്ങി നിന്നാണ് യൂത്ത് കോണ്ഗ്രസ് പ്രവര്ത്തകര് പ്രതിഷേധിച്ചത്.
തുടര്ന്ന് ഇവരെ പൊലീസ് അറസ്റ്റ് ചെയ്ത് നീക്കുകയും തൊട്ടുപിന്നാലെ സംഘര്ഷാവസ്ഥയുണ്ടായി. ഇതിനിടെയാണ് ഡിവൈഎഫ്ഐ പ്രവര്ത്തകരും പ്രതിഷേധവുമായി സ്ഥലത്തെത്തിയത്. ഡിവൈഎഫ്ഐ പ്രവര്ത്തകര് കുത്തിയിരുന്ന് പ്രതിഷേധിച്ചു. സംഭവത്തിൽ ഇവരെയും പൊലീസ് അറസ്റ്റ് ചെയ്ത് നീക്കുകയായിരുന്നു. തുടർന്ന് സ്ഥലത്ത് സംഘര്ഷമുണ്ടായി. പ്രതിഷേധത്തിനിടെയാണ് തറക്കല്ലിടൽ നടക്കുന്നത്. ആര്എസ്എസ് സ്ഥാപകൻ കെബി ഹെഡ്ഗേവാറിന്റെ പേര് ഇട്ടതിലാണ് പ്രതിഷേധം. പേര് മാറ്റണമെന്നാവശ്യപ്പെട്ടാണ് യൂത്ത് കോണ്ഗ്രസും ഡിവൈഎഫ്ഐയും സ്ഥലത്തെത്തി പ്രതിഷേധിച്ചത്. സ്ഥലത്ത് സംഘര്ഷാവസ്ഥ നിലനിൽക്കുകയാണ്.
