ഭക്ഷ്യ ടൂറിസം രംഗത്ത് ആഗോളതലത്തിൽ മുൻനിരയിലെത്തി ദുബായ് നഗരം. റസ്റ്ററന്റുകൾ, പാചകരീതികൾ എന്നിവയിൽ ആഗോളതലത്തിൽ പാരീസിനുശേഷമാണ് ദുബായ് എത്തിയത് . ലണ്ടൻ, ന്യൂയോർക്ക്, ടോക്കിയോ തുടങ്ങിയ പ്രമുഖ നഗരങ്ങളെ മറികടന്നാണ് ദുബായ് രണ്ടാം സ്ഥാനത്തെത്തിയത്. റസ്റ്ററന്റുകൾ, പാചകരീതികൾ എന്നിവയിൽ ദുബായ് രണ്ടാം സ്ഥാനത്താണെങ്കിലും ഭക്ഷണ വൈവിധ്യങ്ങളുടെ കാര്യത്തിൽ ദുബായ് പാരീസിനെയും സിങ്കപ്പൂരിനെയും മറികടന്ന് പട്ടികയിൽ ഒന്നാമതാണ്.

കൂടാതെ ലോകത്ത് അതിവേഗത്തിൽ വളരുന്ന ഗ്യാസ്‌ട്രോണമി കാപിറ്റൽ എന്നാണ് ദുബായ് നഗരത്തെ വിശേഷിപ്പിക്കുന്നത്. 2024-ൽ മാത്രം ആയിരത്തോളം പുതിയ റസ്റ്ററന്റ് ലൈസൻസുകൾ എമിറേറ്റിൽ അനുവദിച്ചിരുന്നു. ദുബായ് സാമ്പത്തിക ടൂറിസംവകുപ്പ് പുറത്തിറക്കിയ വാർഷിക ദുബായ് ഗ്യാസ്‌ട്രോണമി ഇൻഡസ്ട്രി റിപ്പോർട്ടിലാണ് മുൻനിര ലക്ഷ്യസ്ഥാനമെന്ന പദവിയുള്ളത്.