ന്യൂഡല്ഹി: പഹല്ഗാം ഭീകരാക്രമണത്തിന്റെ പശ്ചാത്തലത്തില് കോണ്ഗ്രസ് അടിയന്തര പ്രവര്ത്തക സമിതി യോഗം നാളെ ചേരും. അക്ബര് റോഡിലെ ദേശീയ ആസ്ഥാനത്ത് നാളെ രാവിലെ 11 മണിക്കാണ് യോഗം നടക്കുക. ആക്രമണത്തെ അപലപിച്ച് എഐസിസി സംഘടനാ ചുമതലയുള്ള ജനറല് സെക്രട്ടറി കെ സി വേണുഗോപാല് രംഗത്തെത്തി.
പഹൽഗാം ആക്രമണത്തെ രാജ്യത്തിന് എതിരായ ആക്രമണമായി കാണണമെന്ന് കെ സി വേണുഗോപാൽ പറഞ്ഞു. അക്ഷരാര്ത്ഥത്തില് ഭീകരമായ ആക്രമണം തന്നെയാണ് നടന്നത്. ഇപ്പോള് രാജ്യം ഒറ്റക്കെട്ടായി നില്ക്കാന് ആഗ്രഹിക്കുന്നു. നാളത്തെ പ്രവര്ത്തക സമിതി യോഗം വിളിച്ചത് ഈ വിഷയം മാത്രം ചര്ച്ച ചെയ്യാനാണെന്നും കെ സി വേണുഗോപാല് പറഞ്ഞു.
