കബനിഗിരി : വയനാട്ടിൽ വീണ്ടും പുലിയുടെ ആക്രമണം . ഇന്ന് പുലർച്ചെയാണ് വയനാട് കബനിഗിരിയിൽ ഒരാടിനെ പുലി കടിച്ചുകൊന്നത്. പനച്ചിമറ്റത്തിൽ ജോയിയുടെ ആടുകളെയാണ് പുലി ആക്രമിച്ചത്. അതേസമയം മറ്റൊരാടിനും കടിയേറ്റിട്ടുണ്ട്. സംഭവത്തിന് പിന്നാലെ സ്ഥലത്ത് വനം വകുപ്പ് ഉദ്യോഗസ്ഥർ പരിശോധന നടത്തി . കൂടാതെ പുലിയുടെ സിസിടിവി ദൃശ്യങ്ങളും കിട്ടിയിട്ടുണ്ട് . ഇതോടെയാണ് പുലി പ്രദേശത്ത് തന്നെ ഉണ്ടെന്ന് സ്ഥിതിക്കരിച്ചത്.
എന്നാൽ ഇത് രണ്ടാം തവണയാണ് ഈ പ്രദേശത്ത് പുലിയുടെ ആക്രമണം ഉണ്ടാകുന്നത്. കഴിഞ്ഞ ദിവസം പ്രദേശത്തെ ഒരു വീട്ടിലെ വളർത്തുനായയെ പുലി പിടിച്ചിരുന്നു . ഈ സംഭവത്തിന് പിന്നാലെ രണ്ടു കൂടുകള് സ്ഥാപിച്ചിരുന്നു. കൂടാതെ കഴിഞ്ഞ ഒരാഴ്ചയിലേറെയായി പ്രദേശത്ത് പുലിയുടെ സാന്നിധ്യം ഉണ്ടെന്നാണ് നാട്ടുകാര് പറയുന്നത്.
