ന്യൂഡൽഹി : ഇന്ത്യയിൽ കോവിഡ് വ്യാപനം ഏറ്റവും കൂടുതൽ കേരളത്തിലാണെന്ന് ആരോഗ്യ കുടുംബക്ഷേമ മന്ത്രാലയത്തിന്റെ ഏറ്റവും പുതിയ കണക്കുകൾ മാസങ്ങളുടെ ഇടവേളയ്ക്ക് ശേഷം ഇന്ത്യയിൽ കൊറോണ വൈറസ് കേസുകൾ വർദ്ധിച്ചുകൊണ്ടിരിക്കുകയാണ്, മെയ് 25 ന് അവസാനിച്ച ആഴ്ചയിൽ അണുബാധകൾ അഞ്ചിരട്ടിയായി വർദ്ധിച്ച് 1,000 കടന്നിരിക്കുന്നു. അതേസമയം ഇന്ത്യയിൽ കോവിഡ് -19 സജീവമായ കേസുകൾ 2,710 ആണ് .

എന്നാൽ കണക്കുകൾ പ്രകാരം കേരളത്തിൽ മാത്രം 1,147 കേസുകളാണ് റിപ്പോർട് ചെയ്തിരിക്കുന്നത്. മഹാരാഷ്ട്രയിൽ 424 ,
ഡൽഹി 294 , ഗുജറാത്ത് 223 എന്നിങ്ങനെയാണ് കണക്കുകൾ. കർണാടകയിലും തമിഴ്‌നാട്ടിലും 148 കേസുകൾ വീതവും പശ്ചിമ ബംഗാളിൽ 116 കേസുകളും റിപ്പോർട്ട് ചെയ്തിട്ടുണ്ട്. കൂടാതെ കഴിഞ്ഞ 24 മണിക്കൂറിനുള്ളിൽ ഏഴ് മരണങ്ങൾ കൂടി റിപ്പോർട്ട് ചെയ്യപ്പെട്ടു.കഴിഞ്ഞ 24 മണിക്കൂറിനുള്ളിൽ മഹാരാഷ്ട്രയിൽ രണ്ട് മരണങ്ങൾ റിപ്പോർട്ട് ചെയ്തു, ഡൽഹി, ഗുജറാത്ത്, കർണാടക, പഞ്ചാബ്, തമിഴ്‌നാട് എന്നിവിടങ്ങളിൽ ഓരോ മരണങ്ങളും റിപ്പോർട്ട് ചെയ്തു.