കടലിന്റെ നിറം അസാധാരണമായി മാറുന്നതായി ഗവേഷണ പഠനം. ഭൂമിയിലെ മൊത്തം കടലിന്റെ ഏതാണ്ട് 21 ശതമാനവും നിറമാറ്റം സംഭവിച്ചെന്നും ഗവേഷണ പഠനത്തില് ചൂണ്ടിക്കാണിക്കുന്നു. ഏതാണ്ട് ഇരുപത് വര്ഷമായി കടലിന്റെ നിറം മാറിക്കൊണ്ടിരിക്കുകയാണെന്നും പഠനത്തില് പുറയുന്നു.
പ്ലൈമൗത്ത് സര്വ്വകലാശാല, പ്ലൈമൗത്ത് മറൈന് ലബോറട്ടറി എന്നീ സ്ഥാപനങ്ങളിലെ ഗവേഷര് നടത്തിയ പഠനത്തിലെ കണ്ടെത്തലുകൾ ഗ്ലോബല് ചെയ്ഞ്ച് ബയോളജി എന്ന ജേർണലില് പ്രസിദ്ധീകരിച്ചു. സമുദ്രതീരത്തെയും പുറം കടലിനെയും പഠനത്തില് ഉൾപ്പെടുത്തിയിരുന്നു.
കടലിലെ എതാണ്ട് 71 മില്യണ് സ്ക്വയര് കിലോമീറ്റര് പ്രദേശമാണ് ഇത്തരത്തില് കടും നിറമായി മാറിയത്. സമുദ്രത്തില് പ്രകാശം കടന്ന് ചെല്ലുന്ന ഫോട്ടിക് സോണിലുണ്ടാകുന്ന മാറ്റമാണ് ഈ പ്രതിഭാസത്തിന് കാരണം. സമുദ്രത്തിലെ ഫോട്ടിക് സോണിലുണ്ടാകുന്ന ചെറിയ വ്യത്യാസങ്ങൾ പോലും മത്സ്യങ്ങൾ അടക്കമുള്ള സമുദ്ര ജീവികളുടെ ജീവിതത്തെ പ്രതികൂലമായി ബാധിക്കും.
