മുസാഫിർനഗർ: ഫുഡ് ഡെലിവറി ഏജൻ്റ് ചമഞ്ഞ് ജോലി ചെയ്തിരുന്ന യുവാവിൽ നിന്ന് അനധികൃത ആയുധങ്ങള്‍ പിടിച്ചെടുത്തു. സുധാന്‍ഷു എന്ന 22 കാരൻ്റെ കെെയിൽ നിന്നാണ് ആയുധങ്ങള്‍ കടത്തിയത്. തോക്കുകളും വെടിയുണ്ടയും ഉൾപ്പടെയുള്ള ആയുധങ്ങൾ യുവാവിൽ നിന്ന് പിടിച്ചെടുത്തിട്ടുണ്ട്.

ഫുഡ് ഡെലിവറി സര്‍വീസില്‍ ജോലിക്കാരനായി അഭിനയിച്ചുകൊണ്ട് ആയുധം കടത്തുകയാണ് ഇയാള്‍ ചെയ്തിരുന്നത്. ആയുധങ്ങള്‍ ആർക്കാണ് വില്‍ക്കുന്നതെന്നും ആരാണ് ഇത് വിതരണം ചെയ്യുന്നതെന്നുമുള്‍പ്പെടെയുളള കാര്യങ്ങൾ ഇതുവരെ കണ്ടെത്തിയിട്ടില്ല. സംഭവത്തില്‍ കൂടുതല്‍ അന്വേഷണം നടന്നു വരികയാണ്.