ന്യൂഡല്ഹി: യുപിഐ ഇടപാടുകള്ക്ക് പിഴ ചുമത്തുമെന്ന വാര്ത്ത അടിസ്ഥാനരഹിതമാണെന്ന് കേന്ദ്രം. ഇത്തരം അടിസ്ഥാനരഹിതവും തെറ്റായതുമായ വാര്ത്തകള് പൗരന്മാര്ക്കിടയില് സംശയവും ഭയവും സൃഷ്ടിക്കുമെന്ന് മന്ത്രാലയം പുറത്തിറക്കിയ കുറിപ്പില് പറയുന്നു.
സര്ക്കാര് പിഴ ചുമത്താന് തീരുമാനിക്കുന്നുവെന്ന തരത്തിലുള്ള വാര്ത്തകളാണ് കഴിഞ്ഞ ദിവസം പ്രചരിച്ചിരുന്നത്. എന്നാൽ യുപിഐ ഇടപാടുകള്ക്ക് മെര്ച്ചന്റ് ഡിസ്കൗണ്ട് റേറ്റ് (എംഡിആര്) ചുമത്തുമെന്ന വാര്ത്തകള് തെറ്റാണെന്ന് ധനകാര്യ മന്ത്രാലയം വ്യക്തമാക്കി. 3,000 രൂപക്ക് മുകളിലുള്ള ഇടപാടുകള്ക്ക് എംഡിആര് പുനഃസ്ഥാപിക്കാന് ഒരുങ്ങുന്നതായായിരുന്നു റിപ്പോര്ട്ടുകളുണ്ടായത്.
