തൃശ്ശൂർ: പടിയൂർ ഇരട്ടക്കൊലപാതക കേസ് പ്രതി പ്രേംകുമാറിന്റെ മൃതദേഹം സ്വീകരിക്കാതെ വീട്ടുകാർ. മൃതദേഹം ഏറ്റെടുക്കാൻ ബന്ധുക്കൾ തയ്യാറാവാത്തതിനാൽ മൃതദേഹം നാട്ടിൽ എത്തിക്കില്ലെന്ന് സൂചന. മൃതദേഹത്തിന്റെ ചിത്രങ്ങൾ ബന്ധുക്കൾക്ക് കാണിച്ചുകൊടുത്തു സ്ഥിരീകരണം വരുത്തിയിരുന്നു.
മുന് ഭാര്യയെ കൊലപ്പെടുത്തിയ കേസില് ജയില്വാസം അനുഭവിച്ച പ്രേംകുമാര് ജാമ്യത്തില് ഇറങ്ങിയതായിരുന്നു. ഇതിനിടെയാണ് ഇരട്ടക്കൊലപാതകം നടത്തുന്നത്. ഇരിങ്ങാലക്കുട സ്വദേശികളായ രേഖയെയും രേഖയുടെ മാതാവ് മണിയെയും ആണ് പ്രേംകുമാർ കൊലപ്പെടുത്തിയത്.
രേഖയുടെ ഭർത്താവായ പ്രേംകുമാറിനെ സംഭവത്തിന് ശേഷം കാണാതായതോടെയാണ് പൊലീസ് ഇയാളെ സംശയിച്ചത്. പക്ഷേ, കൃത്യം നടത്തി നാല് ദിവസം പിന്നിട്ടിട്ടും പ്രതിയെ കണ്ടെത്താൻ പൊലീസിന് സാധിച്ചിരുന്നില്ല. അന്വേഷണം പുരോഗമിക്കുമ്പോഴാണ് ഉത്തരാഖണ്ഡിലെ കേദാർനാദിലെ വിശ്രമ കേന്ദ്രത്തിലാണ് പ്രേംകുമാറിനെ മരിച്ച നിലയിൽ കണ്ടെത്തിയത്.
