ഇടുക്കി: ഇടുക്കിയില്‍ മംഗളദേവി ഉത്സവത്തിനിടെ ആറ് പേർക്ക് ഇടിമിന്നലേറ്റു. മിന്നലേറ്റവരില്‍ ഒരു പൊലീസുകാരനും ഉൾപ്പെട്ടിട്ടുണ്ട്. മിന്നലേറ്റ് പരിക്കേറ്റവരെ കുമളി സർക്കാർ ആശുപത്രിയിൽ പ്രവേശിപ്പിച്ചിട്ടുണ്ട്. ആരുടേയും പരിക്ക് ഗുരുതരമല്ല. ശ്കതമായ മഴയിലും കാറ്റിലും പരിസരത്ത് വ്യപകമായ നാശ നഷ്ട്ടങ്ങൾ ഉണ്ടായിട്ടുണ്ട്. സംസ്ഥാനത്ത് വേനൽ മഴ കനക്കുകയാണ്. മഴയിൽ അപ്രതീക്ഷിതമായി എത്തുന്ന മിന്നലിൽ പലർക്കും പരിക്കുകൾ ഏറ്റിട്ടുണ്ട്. വൈദ്യുത ചാലകങ്ങളുമായി ബന്ധിപ്പിച്ചിട്ടുള്ള വീട്ടുപകരണങ്ങൾക്കും വലിയ തോതിൽ നാശനഷ്ടം സൃഷ്ടിക്കുന്നുണ്ട്. ഇടിമിന്നൽ എപ്പോഴും ദൃശ്യമാകണമെന്നില്ലാത്തതിനാൽ പൊതുജനങ്ങൾ മുൻകരുതൽ എടുക്കണമെന്നും അറിയിപ്പുണ്ട്.