ന്യൂഡല്ഹി: മഴയത്ത് കളിക്കാന് പോകണമെന്ന് വാശിപിടിച്ച പത്തുവയസുകാരനെ അച്ഛന് കുത്തിക്കൊന്നു. സാഗര്പൂർ ഏരിയയിൽ നാല്പ്പതുകാരനായ പിതാവാണ് മകനെ കുത്തിക്കൊന്നത്. മഴയത്ത് കളിക്കാന് പോകണമെന്ന് കുട്ടി നിരന്തരം വാശിപിടിച്ചതോടെ കുപിതനായ പിതാവ് കത്തിയെടുത്ത് വന്ന് കുട്ടിയെ കുത്തുകയായിരുന്നു.
ദാദാ ദേവ് ആശുപത്രിയില് നിന്ന് കുത്തേറ്റ നിലയില് ഒരു കുട്ടിയെ കൊണ്ടുവന്നിട്ടുളളതായി പൊലീസിന് ഫോണ് കോള് വന്നു. അന്വേഷണ ഉദ്യോഗസ്ഥര് ആശുപത്രിയിലെത്തുമ്പോഴേക്കും കുട്ടിയുടെ മരണം സംഭവിച്ചിരുന്നു.
തുടര്ന്ന് പൊലീസ് നടത്തിയ അന്വേഷണത്തിലാണ് കുട്ടിയെ അച്ഛനാണ് കുത്തിക്കൊലപ്പെടുത്തിയതെന്ന് കണ്ടെത്തിയത്. കുട്ടിയുടെ ഇടത് വാരിയെല്ലിന്റെ ഭാഗത്താണ് കുത്തേറ്റത്. പിതാവിനെ പൊലീസ് അറസ്റ്റ് ചെയ്തു.
