രാജ്യത്തിന്റെ സുരക്ഷയെ സംബന്ധിക്കുന്ന വിവരങ്ങള് പാകിസ്താന് കൈമാറിയ കേസില് അറസ്റ്റിലായ യൂട്യൂബര് ജ്യോതി മല്ഹോത്ര കേരളത്തിലെത്തിയത് ടൂറിസം വകുപ്പിന്റെ ക്ഷണപ്രകാരമെന്ന് തെളിയിക്കുന്ന ടൂറിസം വകുപ്പിന്റെ വിവരാവകാശ രേഖ പുറത്ത്.
ടൂറിസം വകുപ്പ് സാമൂഹിക മാധ്യമ ഇന്ഫ്ളുവന്സേഴ്സിനെ ഉപയോഗിച്ച് പ്രമോഷന് നടത്തിയവരുടെ പട്ടികയില് ജ്യോതി മല്ഹോത്രയും ഉണ്ട്. ടൂറിസം വകുപ്പ് പണം നല്കിയാണ് ഇവരെ എത്തിച്ചത്. യാത്രയും താമസവും ഒരുക്കിയതും ടൂറിസം വകുപ്പ്.
ടൂറിസത്തിന്റെ പുരോഗതി ലക്ഷ്യമിട്ടാണ് സോഷ്യല് മീഡിയ ഇന്ഫ്ലുവന്സേഴ്സ് പട്ടികയില്പ്പെടുത്തി 41 പേരെ എത്തിച്ചതില് ജ്യോതി മല്ഹോത്രയും ഉൾപ്പെട്ടത്. എന്നാൽ സര്ക്കാര് അതിഥി ആയിരുന്നില്ല ഇവര്. എന്റെ കേരളം – എത്ര സുന്ദരം – ഫെസ്റ്റിവല് ക്യാംപെയ്ന് എന്ന പരിപാടിയില് വിവിധ സോഷ്യല് മീഡിയ ഇന്ഫ്ളുവന്സേഴ്സിന്റെ സേവനം പ്രയോജനപ്പെടുത്തിയിട്ടുണ്ട്. കണ്ണൂര്, കോഴിക്കോട്, കൊച്ചി എന്നിവിടങ്ങളിലെ തന്ത്രപ്രധാന മേഖലകളിലടക്കം ജ്യോതി മല്ഹോത്ര സന്ദർശനം നടത്തിയിരുന്നു.
Content: Jyothi Malhotra arrived in Kerala at the invitation of the Tourism Department.
