തൃശൂര്: ഉപരാഷ്ട്രപതി ജഗദീപ് ധന്കര് ഗുരുവായൂര് ക്ഷേത്രത്തില് ദര്ശനം നടത്തും.ഇതിന്റെ ഭാഗമായി തിങ്കളാഴ്ച ക്ഷേത്രത്തില് ദര്ശന നിയന്ത്രണം. ഉപരാഷ്ട്രപതിയുടെ സുരക്ഷാ മുന്നൊരുക്കത്തിന്റൈ ഭാഗമായി രാവിലെ 8 മുതല് പത്തു മണി വരെ വിവാഹം, ചോറൂണ്, ക്ഷേത്ര ദര്ശനം എന്നിവയ്ക്ക് നിയന്ത്രണം ഏര്പ്പെടുത്തും.
വിവാഹം, ചോറൂണ് എന്നിവ രാവിലെ 7 മണിക്ക് മുമ്പോ 10 മണിക്ക് ശേഷമോ നടത്തേണ്ടതാണ്. വിവാഹങ്ങള് നടത്തുന്നതിനായി കൂടുതല് വിവാഹം മണ്ഡപങ്ങള് ഏര്പ്പെടുത്തും. ക്ഷേത്രം ഇന്നര് റിങ്ങ് റോഡുകളില് അന്നേ ദിവസം രാവിലെ മുതല് വാഹന പാര്ക്കിങ്ങ് അനുവദിക്കില്ല. ഉപരാഷ്ട്രപതിയുടെ സന്ദര്ശനം കഴിയുന്നതുവരെ തെക്കേ നടയുടെ ഇരുവശങ്ങളിലുമുള്ള കടകള് തുറക്കാന് അനുവാദമില്ലെന്നും ഗുരുവായൂര് ദേവസ്വം അതികൃതര് അറിയിച്ചു.
