ഹൈദരാബാദ്: പ്രശസ്ത തെലുങ്ക് നടന് കോട്ട ശ്രീനിവാസ റാവു (83) അന്തരിച്ചു. ജൂബിലി ഹില്സിലെ ഫിലിംനഗറിലുള്ള വീട്ടില് ഞായറാഴ്ച രാവിലെയായിരുന്നു അന്ത്യം. ദീര്ഘനാളായി അസുഖബാധിതനായിരുന്നു. 978-ല് പ്രണം ഖരീദു എന്ന ചിത്രത്തിലൂടെയാണ് ശ്രീനിവാസ റാവു സിനിമയിലെത്തുന്നത്. തെലുങ്കിന് പുറമെ തമിഴ്, ഹിന്ദി, കന്നഡ, മലയാളം ചിത്രങ്ങളിലും ശ്രീനിവാസ റാവു അഭിനയിച്ചിട്ടുണ്ട്.
മമ്മൂട്ടിയെ നായകനാക്കി ജയരാജ് സംവിധാനം ചെയ്ത് 2011-ല് പുറത്തിറങ്ങിയ ദി ട്രെയിന് എന്ന ചിത്രത്തിലാണ് അദ്ദേഹം മലയാളത്തില് അഭിനയിച്ചത്. വിവിധ ഭാഷകളിലായി 750-ലേറെ ചിത്രങ്ങളില് അഭിനയിച്ച അദ്ദേഹം തന്റെ വില്ലന് വേഷങ്ങളിലൂടെയാണ് ശ്രദ്ധേയനാകുന്നത്. 1999 മുതല് 2004 വരെ ആന്ധ്രപ്രദേശിലെ വിജയവാഡ ഈസ്റ്റ് മണ്ഡലത്തില് നിന്നുള്ള എംഎല്എയായിരുന്നു കോട്ട ശ്രീനിവാസ റാവു. ബിജെപി ടിക്കറ്റിലാണ് അദ്ദേഹം മത്സരിച്ചത്. 2015-ല് രാജ്യം പത്മശ്രീ നല്കി അദ്ദേഹത്തെ ആദരിച്ചു.
Content: Telugu actor Kotta Srinivasa Rao passes away
