ഗസ്സയിലെ കത്തോലിക്കപള്ളി ആക്രമണം ചര്ച്ചയാകുന്നതിനിടെ ലിയോ മാര്പ്പാപ്പയെ നേരിട്ട് വിളിച്ച് ഇസ്രയേല് പ്രധാനമന്ത്രി ബെഞ്ചമിന് നെതന്യാഹു. പള്ളി ആക്രമണത്തില് അമേരിക്കന് പ്രസിഡന്റ് ഡോണള്ഡ് ട്രംപ് നെതന്യാഹുവിനെ വിളിച്ച് അതൃപ്തി രേഖപ്പെടുത്തിയതിനു പിന്നാലെയാണ് നെതന്യാഹു മാര്പ്പാപ്പയുമായി ബന്ധപ്പെടുന്നത്. നെതന്യാഹുവിനോട് സംസാരിച്ചപ്പോള് ഗസ്സയില് വെടിനിര്ത്തല് കൊണ്ടുവരണമെന്ന് മാര്പ്പാപ്പ ആവശ്യപ്പെട്ടതായി വത്തിക്കാന് പ്രസ്താവനയിലൂടെ അറിയിച്ചു.
എല്ലാ മതവിശ്വാസികളുടേയും ആരാധനാലയങ്ങള് സംരക്ഷിക്കപ്പെടേണ്ടതിന്റെ പ്രാധാന്യം നെതന്യാഹുവുമായുള്ള സംഭാഷണത്തില് മാര്പ്പാപ്പ വ്യക്തമാക്കിയെന്നും വത്തിക്കാന് പ്രസ്താവനയില് പറയുന്നു. ഗസ്സയിലെ അവസ്ഥയും മനുഷ്യരുടെ യാതനകളും ഇരുവരും തമ്മിലുള്ള ഫോണ്സംഭാഷണത്തില് ചര്ച്ചയായി.
