താമരശ്ശേരി: പുതുപ്പാടിയില് ലഹരിക്കടിമയായ യുവാവ് മാതാവിനെ കുത്തി പരുക്കേല്പ്പിച്ചു. പുതുപ്പാടി മണല് വയലില് പുഴങ്കുന്നുമ്മല് റമീസ് (21)ആണ് മാതാവ് സഫിയയെ കുത്തി പരുക്കേല്പ്പിച്ചത്. ആക്രമണത്തില് സഫിയയുടെ കൈയ്ക്ക് പരിക്കേറ്റു.
സഫിയ താമരശ്ശേരി താലൂക്ക് ആശുപത്രിയിൽ പ്രവേശിപ്പിച്ചു. തിങ്കളാഴ്ച ഉച്ചക്ക് ഒരു മണിയോടെയാണ് സംഭവം. റമീസ് മയക്കുമരുന്ന് ഉപയോഗിക്കുന്ന ആളാണെന്നും മുമ്പ് രണ്ടു തവണ ലഹരി വിമുക്ത കേന്ദ്രത്തിൽ ചികിത്സ തേടിയിരുന്നുവെന്നുമാണ് വിവരം. റമീസിനെ പോലീസ് കസ്റ്റഡിയിലെടുത്ത് വൈദ്യപരിശോധനക്ക് ശേഷം താമരശ്ശേരി പോലീസ് സ്റ്റേഷനില് എത്തിച്ചു.
