കണ്ണൂര്: കെ എസ് യു പ്രവര്ത്തകനെ എം എസ് എഫ് യൂത്ത് ലീഗ് പ്രവര്ത്തകര് മര്ദിച്ചതായി പരാതി. കണ്ണൂര് കാള്ടെക്സില് വച്ച് ഇന്നലെ രാത്രിയായിരുന്നു മര്ദനം. കെഎസ്യു പ്രവര്ത്തകനായ അജ്മല് റോഷനാണ് പരുക്കേറ്റത്.
പരുക്കേറ്റ അജ്മല് റോഷനെ കണ്ണൂരിലെ സ്വകാര്യ ആശുപത്രിയില് പ്രവേശിപ്പിച്ചു. തളിപ്പറമ്പ് സര് സയ്യിദ് ഇന്സ്റ്റിറ്റ്യൂട്ടിലെ തെരഞ്ഞെടുപ്പില് നോമിനേഷന് നല്കിയതാണ് മര്ദനമെന്നാണ് ആരോപണം.
തളിപ്പറമ്പ് സര് സയ്യിദ് ഇന്സ്റ്റിറ്റ്യൂട്ടിലെ തെരഞ്ഞെടുപ്പില് കെഎസ്യുവും എംഎസ്എഫും സഖ്യമായല്ല മത്സരിക്കുന്നത്. ഇന്നലെ നോമിനേഷന് നല്കാന് കോളജിലേക്ക് പോകുമ്പോഴാണ് സംഭവം. നോമിനേഷന് കീറി എറിഞ്ഞു എന്നും കെഎസ്യു ആരോപിക്കുന്നു. കൂടാതെ യൂത്ത് ലീഗ് പ്രവര്ത്തകര് തടഞ്ഞുവെച്ച് മര്ദിച്ചുവെന്നും അജ്മല് റോഷന് പരാതിയില് പറയുന്നു.
