തെലങ്കാന മുഖ്യമന്ത്രി കെ ചന്ദ്രശേഖര് റാവുവിന്റെ മകള് കെ കവിത ബിആര്എസില് നിന്ന് രാജിവച്ചു. ബന്ധു കൂടിയായ ടി ഹരിഷ് റാവു ഉള്പ്പെടെയുള്ള മുതിര്ന്ന നേതാക്കള്ക്കെതിരെ പരസ്യ വിമര്ശനം നടത്തിയതിനു പിന്നാലെ കെ കവിതയെ പിതാവ് ചന്ദ്രശേഖര് റാവു പാർട്ടിയിൽ നിന്ന് സസ്പെന്റ് ചെയ്തിരുന്നു. തുടര്ന്നാണ് കവിത രാജിക്കത്ത് നല്കിയത്. എംഎല്സി സ്ഥാനവും രാജിവച്ചു.
ചന്ദ്രശേഖര് റാവുവാണ് തന്റെ ഏറ്റവും വലിയ പ്രചോദനമെന്ന് പറഞ്ഞുകൊണ്ടാണ് കവിത ഇന്ന് തന്റെ വാര്ത്താ സമ്മേളനം ആരംഭിച്ചത്. എങ്കിലും പാർട്ടിയിലെ ചില ഗൂഢാലോചനകളിൽ താൻ ഇരയാക്കപ്പെട്ടുവെന്നും കവിത പറഞ്ഞു. തെലങ്കാന മുഖ്യമന്ത്രി രേവന്ത് റെഡ്ഡിയുമായി ചേര്ന്ന് ഹരീഷ് റാവു ഗൂഢാലോചനയില് പങ്കാളിയായെന്നാണ് കവിതയുടെ ആരോപണം.
ഡല്ഹി യാത്രയാണ് ഗൂഢാലോചനകളുടെ വിത്തിട്ടത്. കാലേശ്വരം പദ്ധതിയുമായി ബന്ധപ്പെട്ട അഴിമതിയില് ഹരീഷ് റാവുവിനും പങ്കുണ്ടെന്നും എംഎല്എമാരെ തന്റെ നിയന്ത്രണത്തില് നിര്ത്താന് ഈ പണം ഉപയോഗിച്ചെന്നും കവിത വാര്ത്താ സമ്മേളനത്തില് പറഞ്ഞു.
