നവ്യ നായര്, സൗബിന് ഷാഹിര് എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന ‘പാതിരാത്രി’ എന്ന ചിത്രത്തിന്റെ ടീസര് പുറത്ത്. മമ്മൂട്ടി കമ്പനിയുടെ യൂട്യൂബ് ചാനലിലൂടെയാണ് ടീസര് പുറത്ത് വിട്ടത്. ബെന്സി പ്രൊഡക്ഷന്സിന്റെ ബാനറില് ഡോക്ടര് കെ വി അബ്ദുള് നാസര്, ആഷിയ നാസര് എന്നിവര് ചേര്ന്നാണ് ചിത്രം നിര്മ്മിക്കുന്നത്. ഒക്ടോബറില് ചിത്രം പ്രദര്ശനത്തിനെത്തും. വൈകാരികമായി ഏറെ ആഴമുള്ളതും ഉദ്വേഗഭരിതവുമായ ഒരു ഡ്രാമ ത്രില്ലര് ആയാണ് ചിത്രം ഒരുക്കിയിരിക്കുന്നതെന്ന സൂചനയാണ് ടീസര് നല്കുന്നത്. മമ്മൂട്ടി നായകനായി എത്തിയ ‘പുഴു’ എന്ന ചിത്രത്തിന് ശേഷം റത്തീന സംവിധാനം ചെയ്യുന്ന രണ്ടാമത്തെ ചിത്രമാണിത്. സണ്ണി വെയ്ന്, ആന് അഗസ്റ്റിന് എന്നിവരും ചിത്രത്തില് നിര്ണ്ണായക വേഷങ്ങളിലെത്തുന്നുണ്ട്. മള്ട്ടിസ്റ്റാര് ചിത്രമായി ഒരുക്കിയ ‘പാതിരാത്രി’ കേരളത്തില് വിതരണം ചെയ്യുന്നത് ഡ്രീം ബിഗ് ഫിലിംസ്.
നവ്യ നായര്, സൗബിന് ഷാഹിര് എന്നിവര് അവതരിപ്പിക്കുന്ന ജാന്സി, ഹരീഷ് എന്നീ പോലീസ് കഥാപാത്രങ്ങളുടെ ജീവിതത്തിലൂടെയാണ് ചിത്രം കഥ പറയുന്നത് എന്ന സൂചനയാണ് ടീസര് നല്കുന്നത്. അവര് തമ്മില് ഉള്ള വ്യക്തി ബന്ധവും അതില് ഉണ്ടാകുന്ന അപ്രതീക്ഷിതമായ സംഭവ വികാസങ്ങളും എല്ലാം കോര്ത്തിണക്കിയാണ് ചിത്രം ഒരുക്കിയിരിക്കുന്നത് എന്നും ടീസര് കാണിച്ചു തരുന്നുണ്ട്. പോലീസുകാരുടെ ജീവിതത്തെ വളരെ വ്യത്യസ്തമായ രീതിയില് പ്രേക്ഷകരുടെ മുന്നിലവതരിപ്പിക്കുന്ന ഒരു ചിത്രം കൂടിയായിരിക്കും ‘പാതിരാത്രി’. ആത്മീയ രാജന്, ശബരീഷ് വര്മ്മ, ഹരിശ്രീ അശോകന്, അച്യുത് കുമാര്, ഇന്ദ്രന്സ്, തേജസ് എന്നിവരാണ് ചിത്രത്തിലെ മറ്റ് താരങ്ങള്.
നവ്യയെയും സൗബിനെയും പോലീസ് യൂണിഫോമില് അവതരിപ്പിച്ച ചിത്രത്തിന്റെ ഫസ്റ്റ് ലുക്ക് പോസ്റ്റര് മികച്ച പ്രേക്ഷക ശ്രദ്ധ സ്വന്തമാക്കിയിരുന്നു. സണ്ണി വെയ്ന്, ആന് അഗസ്റ്റിന് എന്നിവരും വളരെ പ്രധാനപ്പെട്ട കഥാപാത്രങ്ങളെയാണ് ചിത്രത്തില് അവതരിപ്പിക്കുന്നത്. നവ്യ നായര്- സൗബിന് ടീം ആദ്യമായി ഒന്നിച്ച ഈ ചിത്രത്തിന്റെ തിരക്കഥ രചിച്ചിരിക്കുന്നത് ഷാജി മാറാട്. ജേക്സ് ബിജോയ് ആണ് ചിത്രത്തിന് വേണ്ടി സംഗീതം ഒരുക്കുന്നത്. തുടരും, ലോക എന്നീ ചിത്രങ്ങള്ക്ക് ശേഷം ജേക്സ് ബിജോയ് സംഗീതമൊരുക്കുന്ന ചിത്രം കൂടിയാണ് ‘പാതിരാത്രി’. ടി സീരീസ് ആണ് വമ്പന് തുക നല്കി ചിത്രത്തിന്റെ മ്യൂസിക് അവകാശം സ്വന്തമാക്കിയത്.
ഛായാഗ്രഹണം – ഷെഹ്നാദ് ജലാല്, സംഗീതം – ജേക്സ് ബിജോയ്, എഡിറ്റര് – ശ്രീജിത്ത് സാരംഗ്, ആര്ട്ട് – ദിലീപ് നാഥ്, പ്രൊഡക്ഷന് കണ്ട്രോളര് – പ്രശാന്ത് നാരായണന്, മേക്കപ്പ് – ഷാജി പുല്പ്പള്ളി, വസ്ത്രങ്ങള് – ലിജി പ്രേമന്, ചീഫ് അസോസിയേറ്റ് ഡയറക്ടര് – അജിത് വേലായുധന്, അസോസിയേറ്റ് ഡയറക്ടര് – സിബിന് രാജ്, ആക്ഷന് – പി സി സ്റ്റണ്ട്സ്, സ്റ്റില്സ് – നവീന് മുരളി, ടൈറ്റില് ഡിസൈന് – യെല്ലോ ടൂത്ത്സ്, പോസ്റ്റര് ഡിസൈന് – ഇല്ലുമിനാര്ട്ടിസ്റ്റ്, പിആര്ഒ – ശബരി
