കോഴിക്കോട്: പറമ്പിൽ ബസാർ മല്ലിശേരി താഴത്ത് അടച്ചിട്ട വീട്ടിൽ നിന്ന് 25 പവൻ സ്വർണ്ണാഭരണങ്ങൾ മോഷണം പോയി. രണ്ട് ദിവസം മുൻപ് ഒരു ചടങ്ങിൽ പങ്കെടുക്കാൻ പുറപ്പെട്ട വീട്ടുകാർ, ഇന്നലെ രാത്രിയാണ് മോഷണ വിവരം അറിയുന്നത്. വീടിന്റെ ടെറസിലൂടെയാകാം മോഷ്ടാവ് അകത്തേക്ക് പ്രവേശിച്ചത് എന്നാണ് പൊലീസിന്റെ പ്രാഥമിക നിഗമനം. മുറികൾ പൂട്ടിയിരുന്നില്ലെന്നും അന്വേഷണ ഉദ്യോഗസ്ഥർ പറഞ്ഞു.
സിസി ടിവി ദൃശ്യങ്ങൾ പരിശോധിക്കുന്നതിനിടെ, ഒരാൾ സംശയാസ്പദമായി കാമറയിൽ പെട്ടതായി കണ്ടിട്ടുണ്ട്. ഫൊറൻസിക് സംഘം സ്ഥലത്തെത്തി പരിശോധന പൂർത്തിയാക്കി. പൊലീസ് അന്വേഷണം തുടരുകയാണ്.