ചെന്നൈ: തമിഴ്‌നാട്ടിലെ കരൂർ മണ്ഡലത്തിൽ നടന്ന ദുരന്തത്തെ തുടർന്ന് ടിവികെ അദ്ധ്യക്ഷനും പ്രശസ്ത നടനുമായ വിജയ് തന്റെ രാഷ്ട്രീയ പര്യടനം താത്കാലികമായി നിർത്തിവെച്ചു. കരൂരിൽ വലിയ തിക്കിലും തിരക്കിലും പെട്ട് അനേകം പേരാണ് മരിച്ചതെന്നും പലരുടെയും നില അതീവ ഗുരുതരമാണെന്നും റിപ്പോർട്ടുകൾ വ്യക്തമാക്കുന്നു. ടിവികെ നേതാക്കളുടെ അടിയന്തര ഓൺലൈൻ യോഗത്തിന് ശേഷമാണ് വിജയിയുടെ പര്യടനം നിർത്തിയതായി ഔദ്യോഗിക ഉറവിടങ്ങൾ വ്യക്‌തമാക്കിയത്‌. മരണപ്പെട്ടവരുടെ കുടുംബങ്ങൾക്ക് 20 ലക്ഷം രൂപയുടെ ധനസഹായവും പരിക്കേറ്റവർക്ക് ഓരോരുത്തർക്കും രണ്ട് ലക്ഷം രൂപ വീതം നൽകുമെന്ന് ടിവികെ നേതൃത്വം അറിയിച്ചു.

വിയോഗം അനുഭവിച്ച കുടുംബങ്ങളോട് അനുശോചനം രേഖപ്പെടുത്തി പ്രമുഖ നടന്മാരായ കമൽ ഹാസനും രജനികാന്തും രംഗത്തെത്തി. “തികഞ്ഞ നീതിനിഷ്ഠയുള്ള ആളുകൾ തിക്കിലും തിരക്കിലും പെട്ട് ജീവൻ നഷ്ടപ്പെടുന്നത് ഹൃദയം വിറയ്ക്കുന്ന അനുഭവമാണ്,” എന്നായിരുന്നു കമൽ ഹാസന്റെ പ്രതികരണം. പ്രശ്നത്തിൽ പരിഹാരം കണ്ടെത്തുകയും ദുരിതബാധിതർക്കു വേണ്ട ചികിൽസയും നഷ്ടപരിഹാരവും ഉറപ്പാക്കണമെന്നും അദ്ദേഹം തമിഴ്നാട് സർക്കാരിനോട് ആവശ്യപ്പെട്ടു. അതേസമയം, വിജയ്‌യെ അറസ്റ്റ് ചെയ്യാൻ സാധ്യതയില്ല. നാളെ കോടതിപരിഗണിച്ചെക്കും.