പത്തനംതിട്ട: വരും വർഷത്തേക്കുള്ള ശബരിമല മേൽശാന്തിയായി ചാലക്കുടി കൊടകര വാസുപുരം മറ്റത്തൂർക്കുന്ന് ഏറന്നൂർ മനയിലെ ഇ.ഡി. പ്രസാദ് നമ്പൂതിരിയെ തിരഞ്ഞെടുത്തു. രാവിലെ എട്ടരയോടെയാണ് ശബരിമല മേൽശാന്തിയുടെ നറുക്കെടുപ്പ് നടത്തിയത്. ചടങ്ങ് ശബരിമല ക്ഷേത്രത്തിൽ വെച്ച് നടന്നു. പന്തളം കൊട്ടാരത്തിലെ കശ്യപ് വർമയാണ് മേൽശാന്തിയുടെ നറുക്കെടുപ്പ് നിർവഹിച്ചത്. ശബരിമല മാളികപ്പുറം മേൽശാന്തിയുടെ നറുക്കെടുപ്പ് ഉടൻ നടത്തുമെന്നാണ് ദേവസ്വം ബോർഡ് അറിയിച്ചത്.