മലപ്പുറം: വാഴക്കാട് പഞ്ചായത്തിലെ 6 ,14 ലെ ചോലയിൽ, കാളികുളങ്ങര, കുറുങ്ങോട്ടിൽ എന്നീ പ്രദേശത്തെ ജനങ്ങൾ വോട്ട് ബഹിഷ്കരിക്കാൻ ഒരുങ്ങുന്നു. വാലില്ലാപുഴ ചോലയിൽ കാളികുളങ്ങര റോഡിന്റെ ശോചനീയാവസ്ഥയും ഈ റോഡിൽനിർമിച്ച ഡ്രൈനേജ് നിർമാണത്തിലെ അഴിമതിയും തികഞ്ഞ അനാസ്ഥയും അഴിമതി നടത്തിയ ഉദ്യോഗ്സഥരെ സംരക്ഷിക്കുന്ന നിലപാടുമാണ് വോട്ട് ബഹിഷ്കരിക്കാൻ കാരണം. അഴിമതി വിഷയത്തിൽ ഉദ്യോഗസ്ഥരെ സംരക്ഷിക്കുന്ന നിലപാട് ആണ് എടുക്കുന്നതെന്ന് മുൻ പഞ്ചായത്ത് ഭരണസമിതി അംഗംങ്ങളും പറഞ്ഞതായി ആരോപണം. പ്രതിഷേധത്തിന്റെ ഭാഗമായി പഞ്ചായത്ത് ഓഫീസിന് മുൻപിൽ ബാനറുകൾ സ്ഥാപിച്ചു. ഈ പ്രദേശത്തെ കിണറുകൾ കുത്തി ഒലിച്ചുവരുന്ന മഴവെള്ളം കാരണം കിണറുകൾ മലിനമാക്കുന്നു എന്ന് പ്രദേശ വാസികൾ പറയുന്നു. വർഷങ്ങളായി ഈ ഭാഗത്തേക്ക് ഓട്ടോ വിളിച്ചാൽ പോലും വരാത്ത സ്ഥിതി ആണ്.