ഡല്ഹി:ഹോംവര്ക്ക് ചെയ്യാത്തതിന് നാലു വയസുകാരനെ മരത്തില് കെട്ടിത്തൂക്കി. ഛത്തീസ്ഗഡിലെ സൂരജ് പൂരിലെ സ്വകാര്യ സ്കൂളിലാണ് സംഭവം.
ഹോംവര്ക്ക് പൂര്ത്തിയാക്കാത്തതിനാണ് എല്കെജി വിദ്യാര്ത്ഥിയെ രണ്ട് അധ്യാപകര് ചേര്ന്ന് മരത്തില് കെട്ടിത്തൂക്കിയത്.
സംഭവത്തില് രണ്ട് അധ്യാപകരെയും സസ്പെന്ഡ് ചെയ്തതായി സ്കൂള് മാനേജര് അറിയിച്ചു. സംഭവത്തില് വിദ്യാഭ്യാസ വകുപ്പ് അന്വേഷണം ആരംഭിച്ചിട്ടുണ്ട്.
കുട്ടിയെ ഒരു കയര് ഉപയോഗിച്ച് കെട്ടി മരത്തിന്റെ കൊമ്പില് കെട്ടിത്തൂക്കുകയായിരുന്നു.
സംഭവത്തിന്റെ വീഡിയോ സമൂഹ മാധ്യമങ്ങളില് വൈറല് ആയതോടെയാണ് വിദ്യാഭ്യാസ വകുപ്പ് ഇടപെട്ട് അധ്യാപകര്ക്കെതിരെ നടപടിയെടുത്തത്.
സ്കൂള് പരിസരത്ത് തന്നെയുള്ള ഒരു മരത്തിലാണ് കുട്ടിയെ കെട്ടിത്തൂക്കിയത്. സംഭവം നടക്കുമ്പോള് പരിസരത്ത് ഉണ്ടായിരുന്ന ഒരു യുവാവാണ് ദൃശ്യങ്ങള് പകര്ത്തിയതും സമൂഹ മാധ്യമങ്ങളില് പ്രചരിപ്പിച്ചതും.
യുവാവ് ദൃശ്യങ്ങള് പകര്ത്തുന്നത് തടയാന് രണ്ട് അധ്യാപികമാരും ശ്രമിക്കുന്നതും പ്രചരിച്ച വീഡിയോയിലുണ്ട് .
