കോട്ടയ: ചങ്ങനാശ്ശേരിയിൽ പുരാതനമായ പാറേൽപള്ളിയിൽ പരിശുദ്ധ കന്യകാമറിയത്തിൽ അമലോദ്ഭവ തിരുനാളാഘോഷത്തിനുള്ള ഒരുക്കങ്ങൾ പൂർത്തിയായതായി തീർഥാടനകേന്ദ്രം റെക്ടർ മോൺ. മാത്യു ചങ്ങങ്കരി, അതിരൂപത പ്രൊക്യുറേറ്റർ ഫാ.ആന്റണി മാളേക്കൽ, വികാരി ഫാ.ജേക്കബ് വാരിക്കാട്ട് എന്നിവർ അറിയിച്ചു.
പെരുന്നാളിനുള്ള കൊടിയേറ്റ് ഡിസംബർ ഒന്നിനും, തിരുനാൾ എട്ടിനും, കൊടിയിറക്കുതിരുനാൾ 14-നും ആഘോഷിക്കും. ആറുവരെ തീയതികളിൽ രാവിലെ 5.30-നും 7.15-നും 11-നും 12-നും വൈകീട്ട് 4.30-നും മധ്യസ്ഥപ്രാർഥന, വചനസന്ദേശം, കുർബാന, ആറിന് ജപമാല പ്രദക്ഷിണം. ഒന്നാം തിയതി വൈകീട്ട് 4.15-ന് വിവിധ കൂട്ടായ്മകളിൽനിന്ന് ജപമാല പ്രദക്ഷിണം പള്ളിയിലെത്തും. ഡിസംബർ നാല്, അഞ്ച്, ആറ് തീയതികളിൽ രാത്രി ഏഴിന് കലാസന്ധ്യ. ഏഴിന് രാവിലെ 5.15-ന് തിരുസ്വരൂപം പള്ളിയിൽ എഴുന്നള്ളിച്ചുവയ്ക്കും.
