കോഴിക്കോട് : ഓമശ്ശേരി ഗ്രാമപഞ്ചായത്ത് യുഡിഎഫ് കമ്മിറ്റിയുടെ നേതൃത്വത്തിൽ ജനമുന്നേറ്റ യാത്ര നടത്തി. കിഴക്കൻ മേഖല പടിഞ്ഞാറൻ മേഖല എന്നിങ്ങനെ രണ്ട് മേഖലകളാക്കി തിരിച്ചായിരുന്നു റാലി. രാവിലെ 9 മണിക്ക് തുടങ്ങി പഞ്ചായത്തിന്റെ മുഴുവൻ പ്രദേശങ്ങളിലും സന്ദർശനം നടത്തി വൈകിട്ട് 7 മണിയോടെ ഓമശ്ശേരിയിൽ യാത്ര സമാപിച്ചു. യുഡിഎഫ് ചെയർമാൻ ഒ എം ശ്രീനിവാസനും കൺവീനർ യുകെ ഹുസൈൻ ഓമശ്ശേരിയും രണ്ട് മേഖലകളിലായി യാത്രയെ നയിച്ചു.

തദ്ദേശ തെരഞ്ഞെടുപ്പിനോട് അനുബന്ധിച്ച് യു.ഡി.എഫ് ഭരണസമിതിയുടെ നേതൃത്വത്തിൽ നടത്തിയ വികസന പ്രവർത്തനങ്ങളും കേന്ദ്ര-സംസ്ഥാന സർക്കാരുകളുടെ നിഷേധാത്മക നിലപാടുകളും പൊതു മദ്ധ്യത്തിൽ ചർച്ചയാക്കുകയാണ് റാലിയിലൂടെ ഉദ്ദേശിക്കുന്നതെന്ന് യു.ഡി.എഫ് കൺവീനർ യുകെ ഹുസൈൻ ഓമശ്ശേരി പറഞ്ഞു.

ഓമശ്ശേരിയിൽ നടന്ന സമാപന സമ്മേളനത്തിൽ കോഴിക്കോട് ജില്ലാ മുസ്ലിം ലീഗ് പ്രസിഡണ്ട് എം എ റസാഖ് മാസ്റ്റർ, ഡി.സി.സി പ്രസിഡണ്ട് അഡ്വ പ്രവീൺകുമാർ, പ്രഭാഷകൻ അഷ്കർ ഫറോക്ക് തുടങ്ങിയവർ സംസാരിച്ചു. യുഡിഎഫ് നേതാക്കളും സ്ഥാനാർത്ഥികളും പരിപാടിയിൽ ആശംസകളർപ്പിച്ചു സംസാരിച്ചു.