തൃശൂർ : തദ്ദേശ തിരഞ്ഞെടുപ്പിൽ മത്സരിക്കുന്ന ഗുരുവായൂർ നഗരസഭ ബിജെപി സ്ഥാനാർത്ഥികളായ രാജൻ തറയിൽ, കെ.ആർ. ചന്ദ്രൻ, തുളസി ചന്ദ്രൻ എന്നിവരുടെ വാർഡുകളിലെ പ്രചാരണത്തിന് കരുത്തേകാൻ കേന്ദ്രമന്ത്രി വി. മുരളീധരൻ ഇന്നലെ എത്തി. സ്ഥാനാർത്ഥികളുടെ വാർഡുകളിൽ നടന്ന പ്രചാരണങ്ങളിലും ജനസമ്മേളനങ്ങളിലും അദ്ദേഹം പങ്കെടുത്തു. അദ്ദേഹത്തിന്റെ സാന്നിധ്യം സ്ഥാനാർത്ഥികൾക്കും പ്രവർത്തകർക്കും പുതിയ ഉത്സാഹമാണ് ലഭിച്ചത്.