മലയാളത്തിന്റെ മഹാനടന്മാരായ മമ്മൂട്ടി, മോഹന്ലാല് എന്നിവരെ കേന്ദ്ര കഥാപാത്രങ്ങളാക്കി മഹേഷ് നാരായണന് ഒരുക്കുന്ന മള്ട്ടിസ്റ്റാര് ചിത്രമായ ‘പാട്രിയറ്റ്’ ന്റെ സെറ്റില് പുതു വര്ഷം ആഘോഷിച്ച് മെഗാസ്റ്റാര് മമ്മൂട്ടി.
ചിത്രത്തിന്റെ അണിയറ പ്രവര്ത്തകര്ക്ക് ഒപ്പം കേക്ക് മുറിച്ചാണ് അദ്ദേഹം ആഘോഷത്തിന്റെ ഭാഗമായത്. മമ്മൂട്ടിക്കൊപ്പം സംവിധായകന് മഹേഷ് നാരായണന്, നിര്മ്മാതാവ് ആന്റോ ജോസഫ് എന്നിവരും ആഘോഷത്തിന്റെ ഭാഗമായി.
ഇപ്പൊള് അവസാന ഘട്ട ചിത്രീകരണം പുരോഗമിക്കുന്ന ചിത്രം ഈ വര്ഷം വിഷു റിലീസായി എത്തുമെന്നാണ് സൂചന. മമ്മൂട്ടി, മോഹന്ലാല് എന്നിവര്ക്കൊപ്പം ഫഹദ് ഫാസില്, കുഞ്ചാക്കോ ബോബന്, നയന്താര, രേവതി എന്നിവര് ആണ് ചിത്രത്തിലെ പ്രധാന വേഷങ്ങള് ചെയ്യുന്നത്.
ചിത്രം നിര്മ്മിക്കുന്നത് ആന്റോ ജോസഫ് ഫിലിം കമ്പനി, കിച്ചപ്പു ഫിലിംസ് എന്നിവയുടെ ബാനറില് ആന്റോ ജോസഫ്, കെ ജി അനില്കുമാര് എന്നിവര് ചേര്ന്നാണ്. സി ആര് സലിം പ്രൊഡക്ഷന്സ്, ബ്ലൂ ടൈഗേഴ്സ് ലണ്ടന് എന്നീ ബാനറുകളില് സി.ആര്.സലിം, സുഭാഷ് ജോര്ജ് മാനുവല് എന്നിവരാണ് ചിത്രത്തിന്റെ സഹ നിര്മ്മാണം നിര്വഹിക്കുന്നത്.
സി.വി.സാരഥിയും രാജേഷ് കൃഷ്ണയുമാണ് ചിത്രത്തിന്റെ എക്സിക്യൂട്ടീവ് പ്രൊഡ്യൂസര്മാര്.
മലയാളത്തിലെ ഏറ്റവും വലിയ ചിത്രമായി ഒരുക്കുന്ന പാട്രിയറ്റ്, അന്താരാഷ്ട്ര സ്പൈ ത്രില്ലറുകളെ അനുസ്മരിപ്പിക്കുന്ന രീതിയിലാണ് ഒരുക്കുന്നതെന്ന്, നേരത്തെ പുറത്ത് വന്ന ചിത്രത്തിന്റെ ടൈറ്റില് ടീസറിലെ ദൃശ്യങ്ങള് കാണിച്ചു തരുന്നുണ്ട്. മമ്മൂട്ടി, മോഹന്ലാല് എന്നിവരുടെ ഗംഭീര ആക്ഷന് രംഗങ്ങള് ചിത്രത്തിന്റെ ഹൈലൈറ്റ് ആയി മാറുമെന്നും ടീസര് സൂചന നല്കുന്നു.
മലയാള സിനിമ ഇതുവരെ കാണാത്ത തരത്തിലുള്ള മാസ്സ് ദൃശ്യ വിരുന്ന് ആയിരിക്കും ചിത്രം സമ്മാനിക്കുക എന്ന ഫീല് ആണ് ടീസര് നല്കുന്നത്. ഇന്ത്യന് സിനിമയുടെ ഇതിഹാസങ്ങളായ മമ്മൂട്ടി, മോഹന്ലാല് എന്നിവരെ അതിന്റെ എല്ലാ പ്രൗഢിയോടും കൂടി അവതരിപ്പിക്കുന്ന ചിത്രമായിരിക്കും ‘പാട്രിയറ്റ്’.
ചിത്രത്തിന്റെ കഥയും തിരക്കഥയും രചിച്ചത് സംവിധായകന് മഹേഷ് നാരായണന് തന്നെയാണ്. ശ്രീലങ്ക, അസര്ബൈജാന്, ഡല്ഹി, ഷാര്ജ, കേരളത്തിലെ വിവിധ ലൊക്കേഷനുകള്, ലഡാക്ക്,ഹൈദരാബാദ്, യുകെ എന്നിവിടങ്ങളില് ഷൂട്ടിംഗ് പൂര്ത്തിയാക്കിയ ചിത്രത്തിന്റെ കൊച്ചി ഷെഡ്യൂള് ഇപ്പൊള് പുരോഗമിക്കുകയാണ്. ഒരു വലിയ ഇടവേളക്ക് ശേഷം മമ്മൂട്ടി – മോഹന്ലാല് ടീം ഒന്നിച്ചഭിനയിക്കുന്ന ഈ ചിത്രത്തിലെ ഹൈലൈറ്റ് ആയിരിക്കും ഇവരുടെ കോമ്പിനേഷന് രംഗങ്ങള്.
ജിനു ജോസഫ്, രാജീവ് മേനോന്, ഡാനിഷ് ഹുസൈന്, ഷഹീന് സിദ്ദിഖ്, സനല് അമന്, ദര്ശന രാജേന്ദ്രന്, സെറീന് ഷിഹാബ് തുടങ്ങിയവര്ക്കൊപ്പം മദ്രാസ് കഫേ, പത്താന് തുടങ്ങിയവയിലൂടെ ശ്രദ്ധേയനായ തീയറ്റര് ആര്ട്ടിസ്റ്റും സംവിധായകനുമായ പ്രകാശ് ബെലവാടിയും ചിത്രത്തിന്റെ താരനിരയിലുണ്ട്. 2026 വിഷു റിലീസായി ആണ് ചിത്രം ആഗോള തലത്തില് പ്രദര്ശനത്തിന് എത്തുക. ട്രൂത്ത് ഗ്ലോബല് ഫിലിംസ് ആണ് ചിത്രത്തിന്റെ ഓവര്സീസ് പാര്ട്ണര്.
ഛായാഗ്രഹണം – മാനുഷ് നന്ദന്, സംഗീതം – സുഷിന് ശ്യാം, എഡിറ്റിംഗ് – മഹേഷ് നാരായണന്, രാഹുല് രാധാകൃഷ്ണന്, പ്രൊഡക്ഷന് ഡിസൈനര്സ്: ഷാജി നടുവില്, ജിബിന് ജേക്കബ്, ഓഡിയോഗ്രാഫി – വിഷ്ണു ഗോവിന്ദ്, പ്രൊഡക്ഷന് കണ്ട്രോളര് -ഡിക്സണ് പൊടുത്താസ്, ലൈന് പ്രൊഡ്യൂസേഴ്സ് – സുനില് സിങ്, നിരൂപ് പിന്റോ, ജസ്റ്റിന് ബോബന്, ജെസ്വിന് ബോബന്, സിങ്ക് സൗണ്ട് – വൈശാഖ് പി വി, മേക്കപ്പ് – രഞ്ജിത് അമ്പാടി, ലിറിക്സ് – അന്വര് അലി, സംഘട്ടനം – ദിലീപ് സുബ്ബരായന്, സ്റ്റണ്ട് സില്വ, മാഫിയ ശശി, റിയാസ് ഹബീബ്, കോസ്റ്റിയൂം ഡിസൈന് – ധന്യ ബാലകൃഷ്ണന്, നൃത്ത സംവിധാനം – ഷോബി പോള്രാജ്, ചീഫ് അസോസിയേറ്റ് ഡയറക്ടര് – ലിനു ആന്റണി, അസോസിയേറ്റ് ഡയറക്ടര്: ഫാന്റം പ്രവീണ്, സ്റ്റില്സ് – നവീന് മുരളി, വിഎഫ്എക്സ് – ഫയര്ഫ്ലൈ, എഗ്ഗ് വൈറ്റ്, ഐഡന്റ് വിഎഫ്എക്സ് ലാബ്, ഡി ഐ കളറിസ്റ്റ് – ആശീര്വാദ് ഹദ്കര്, പബ്ലിസിറ്റി ഡിസൈന് – എയ്സ്തെറ്റിക്ക് കുഞ്ഞമ്മ, പിആര്ഓ: വൈശാഖ് സി വടക്കേവീട്, ജിനു അനില്കുമാര്. ചിത്രം ആന് മെഗാ മീഡിയ പ്രദര്ശനത്തിനെത്തിക്കും.
