കോട്ടയം: യൂത്ത് കോൺഗ്രസ് മണ്ഡലം കമ്മിറ്റിയുടെ ആഭിമുഖ്യത്തിൽ കുമരകം ചന്തക്കവലയിൽ ‘SIR ഹെൽപ്പ് ഡെസ്ക്’ സംഘടിപ്പിക്കുന്നു. 2026 ജനുവരി 22-ന് രാവിലെ 10 മണി മുതൽ ഉച്ചയ്ക്ക് 2 മണി വരെ ചന്തക്കവലയിലെ വള്ളാറപ്പള്ളി കുരിശുപള്ളിക്ക് സമീപമുള്ള ചിറയിൽപീടിക ബിൽഡിങ്ങിലാണ് ഹെൽപ്പ് ഡെസ്ക് പ്രവർത്തിക്കുക. 2026 ജനുവരി ഒന്നിന് 18 വയസ് പൂർത്തിയായവർക്ക് വോട്ടർ പട്ടികയിൽ പേര് ചേർക്കുന്നതിനായുള്ള സൗകര്യം ഇവിടെ ഒരുക്കിയിട്ടുണ്ട്.
ജില്ലാ പഞ്ചായത്ത് അംഗം വൈശാഖ് പി. കെ. പരിപാടിയുടെ ഉദ്ഘാടനം നിർവഹിക്കും. വോട്ട് ചേർക്കാൻ എത്തുന്നവർ ആധാർ കാർഡ്, പ്രായം തെളിയിക്കുന്ന രേഖ, വിലാസം തെളിയിക്കുന്ന രേഖ, രക്ഷകർത്താവിന്റെ ഐഡി കാർഡ്, ഫോട്ടോ എന്നിവ കൈകരുതണം. കൂടുതൽ വിവരങ്ങൾക്കായി 8089615164, 8129086563 എന്നീ നമ്പറുകളിൽ ബന്ധപ്പെടാവുന്നതാണ്.
