കോട്ടയം: കോട്ടയം കോരുത്തോട് വീട്ടിലെ അലമാരക്കുള്ളിൽ നിന്ന് രാജവെമ്പാലയെ പിടികൂടി. കോരുത്തോട് സ്വദേശി സത്യൻ മുത്തേരിയുടെ വീട്ടിലാണ് രാജവെമ്പാല കയറിയത്. അലമാര വീടിന് പുറത്തിറക്കിയാണ് പാമ്പിനെ പിടിച്ചത്. ഇന്നലെ വൈകിട്ടായിരുന്നു സംഭവം. തുണിയെടുക്കാൻ അലമാര തുറന്നപ്പോഴാണ് ഉള്ളിൽ രാജവെമ്പാലയെ കണ്ടത്. ഭയന്ന് പുറത്തേക്കോടിയ കുടുംബാംഗങ്ങൾ വനംവകുപ്പിനെ വിവരമറിയിച്ചു. മുണ്ടക്കയത്ത് നിന്നുള്ള വനംവകുപ്പിന്റെ ആർആർടി സംഘം എത്തിയാണ് രാജവെമ്പാലയെ പിടികൂടിയത്.
അതേസമയം എങ്ങനെയാണ് അലമാരക്കുള്ളിൽ പാമ്പ് എത്തിയതെന്ന സംശയത്തിലാണ് കുടുംബാംഗങ്ങൾ. ഇവിടം പാമ്പിന്റെ ശല്യമുള്ള പ്രദേശമല്ലെന്നും പ്രദേശവാസികളും കുടുംബവും പറയുന്നു. വനംവകുപ്പ് ഉദ്യോഗസ്ഥരുടെ സമയോചിതമായ ഇടപെടലിന്റെ ആശ്വാസത്തിലാണ് കുടംബം.
