കണ്ണൂർ: റോഡ് സുരക്ഷാ സന്ദേശം ജനങ്ങളിലേക്ക് എത്തിക്കുന്നതിനായി മാങ്ങാട്ടിടം യു.പി സ്കൂൾ സുരക്ഷിത് മാർഗ് ക്ലബ്ബും SCMS കോളേജ് കൊച്ചിയും സംയുക്തമായി വിപുലമായ ക്യാമ്പയിൻ സംഘടിപ്പിച്ചു. കിണവക്കലിൽ തുടക്കം കുറിച്ച ക്യാമ്പയിൻ കൂത്തുപറമ്പ് എസ് ഐ വിപിൻ ടി എം ഉദ്ഘാടനം ചെയ്തു. പരിപാടിയുടെ ഭാഗമായി വിദ്യാർത്ഥികൾ അവതരിപ്പിച്ച ഫ്ലാഷ് മോബ് പൊതുജനങ്ങളുടെ ശ്രദ്ധയാകർഷിച്ചു. റോഡ് നിയമങ്ങൾ പാലിക്കേണ്ടതിന്റെയും ജാഗ്രതയോടെ വാഹനം ഓടിക്കുന്നതിന്റെ ആവിശ്യകത നൃത്തരൂപത്തിലൂടെ വിദ്യാർത്ഥികൾ അവതരിപ്പിച്ചു.

സ്കൂളിന് സമീപത്തുള്ള വിവിധ കേന്ദ്രങ്ങളിൽ നടന്ന ഈ ബോധവൽക്കരണ പരിപാടിയിൽ ‘കൂട്ടുകാരൻ ഗ്രൂപ്പ്’ അംഗങ്ങളും സജീവമായി പങ്കെടുത്തു.ട്രാഫിക് നിയമങ്ങൾ ലംഘിക്കുന്നത് മൂലമുണ്ടാകുന്ന അപകടങ്ങൾ കുറയ്ക്കുക എന്ന ലക്ഷ്യത്തോടെയാണ് ഇത്തരമൊരു പരിപാടി ആസൂത്രണം ചെയ്തതെന്ന് സ്കൂൾ അധികൃതർ അറിയിച്ചു. അധ്യാപകർ, വിദ്യാർത്ഥികൾ, പി.ടി.എ പ്രതിനിധികൾ എന്നിവർ പരിപാടിക്ക് നേതൃത്വം നൽകി.