തിരുവനന്തപുരം: സ്വകാര്യ ബസ് സ്കൂട്ടറിൽ ഇടിച്ചുണ്ടായ അപകടത്തിൽ ഗൃഹനാഥൻ മരിച്ചു. കുമ്മിൾ താന്നിവിള വീട്ടിൽ മസൂദ് (60) ആണ് മരിച്ചത്. കുമ്മിൾ ജംഗ്ഷനിൽ സ്റ്റേഷനറി കട നടത്തിവരികയായിരുന്നു അദ്ദേഹം. ഇന്നലെ രാവിലെ 11 മണിയോടെ ആറ്റൂരിലാണ് അപകടം നടന്നത്. കടയ്ക്കൽ ഭാഗത്ത് നിന്ന് കിളിമാനൂർ ഭാഗത്തേക്ക് പോകുകയായിരുന്ന സ്വകാര്യ ബസ്, അതേ ദിശയിൽ സഞ്ചരിച്ചിരുന്ന സ്കൂട്ടറിനെ ഓവർടേക്ക് ചെയ്യുന്നതിനിടയിൽ ഇടിക്കുകയായിരുന്നു.

ഇടിയുടെ ആഘാതത്തിൽ മസൂദ് റോഡിലേക്ക് തെറിച്ച് വീണു. തുടർന്ന് ബസ് ശരീരത്തിലൂടെ കയറി ഇറങ്ങിയതായി ദൃക്സാക്ഷികൾ അറിയിച്ചു. അപകടത്തിൽ മസൂദ് സംഭവസ്ഥലത്തുവെച്ചു തന്നെ മരിച്ചു. ഭാര്യ: അനീസ ബീവി.
മക്കൾ: അനസ്, അഫ്സൽ.