കൊച്ചി: തന്റെ പഴയ കാലത്തെ കുറിച്ച് കൂടുതല്‍ വെളിപ്പെടുത്തലുകളുമായി നടി ലെന. വിവാഹബന്ധം തകര്‍ന്നതിന് ശേഷമായിരുന്നു തനിക്ക് ആത്മസാക്ഷാത്കാരം ഉണ്ടാകുന്നതെന്ന് ലെന പറയുന്നു. മാജിക് മഷ്‌റൂം തന്നെ ആശുപത്രിയിലെത്തിച്ചു. ‘എന്റെ ആത്മീയമായ ഉണര്‍വിനെ വീട്ടുകാര്‍ മനസിലാക്കിയില്ല. അവര്‍ എന്നെ ആശുപത്രിയിലെത്തിച്ചു. മരുന്നുകള്‍ നല്‍കി. വിറയലും പരിഭ്രാന്തിയും കണ്ടപ്പോള്‍ ഭ്രാന്ത് കൂടിയെന്ന് പറഞ്ഞു’ ലെന പങ്കുവെച്ചു.

ഏകദേശം 14 വര്‍ഷത്തോളം മരുന്നുകള്‍ കഴിച്ചു. സത്യത്തില്‍ തനിക്ക് ഭ്രാന്തായിരുന്നില്ലെന്നും ചില പരമമായ സത്യങ്ങള്‍ കണ്ടെത്തിയ ആവശേത്തിലായിരുന്നു താനെന്നും അന്ന് കഴിച്ച മരുന്നുകള്‍ തന്നെ വിഷാദത്തിലേക്ക് തള്ളിയിട്ടെന്നും ലെന വെളിപ്പെടുത്തുന്നു.