അലഹാബാദ്: ഉത്തര്പ്രദേശിലെ സംഭാലില് റമദാനില് പള്ളിയില് നമസ്കാരത്തിന് എത്തുന്നവരുടെ എണ്ണം കുറച്ച തീരുമാനത്തിനെതിരെ അലഹാബാദ് ഹൈക്കോടതി. ക്രമസമാധാനനില തകരുമെന്ന് ചൂണ്ടിക്കാട്ടി ബദൗനിലെ സ്വകാര്യ സ്ഥലത്തുള്ള പള്ളിയില് നമസ്കാരത്തിന് നിയന്ത്രണം ഏര്പ്പെടുത്തിയത്.
സ്വകാര്യ സ്ഥലങ്ങളില് മതപരമായ പ്രാര്ത്ഥനാ യോഗം നടത്തുന്നതിന് നിയമത്തില് വിലക്കില്ലെന്നും ക്രമസമാധാന പരിപാലനം സംസ്ഥാന സര്ക്കാരിന്റെ ഉത്തരവാദിത്തമാണെന്നും പറഞ്ഞ കോടതി, അതിന് പറ്റിയില്ലെങ്കില് ക്രമസമാധാന ചുമതലയുള്ള പൊലീസ് സുപ്രണ്ടും കളക്ടറും രാജിവെച്ച് പോണമെന്നും കോടതി കടുപ്പിച്ചു.
