പാലക്കാട്: സിപിഎമ്മുമായി ഇടഞ്ഞു നില്ക്കുന്ന എംഎല്എ കെ ബാബുവിനെ നെന്മാറ മണ്ഡലത്തില് സ്വതന്ത്ര സ്ഥാനാര്ത്ഥിയാക്കാന് യുഡിഎഫ് നീക്കം. കോണ്ഗ്രസ് നേതാക്കള് ബാബുവുമായി ചര്ച്ച നടത്തി. എന്നാല് അദ്ദേഹം ഇതുവരെ നിലപാട് വ്യക്തമാക്കിയിട്ടില്ല. മണ്ഡലത്തില് കെ പ്രേമനെ സ്ഥാനാര്ത്ഥിയാക്കിയതില് ബാബു അതൃപ്തിയിലാണ്.
രണ്ട് ടേം പൂര്ത്തിയായതോടെയാണ് ബാബുവിനെ വീണ്ടും മത്സരിപ്പിക്കേണ്ട എന്ന തീരുമാനത്തിലേക്ക് സിപിഐഎം എത്തിയത്. പാലക്കാട് ജില്ലാ സെക്രട്ടറിയേറ്റ് യോഗത്തില് ബാബുവിന് ഇളവ് നല്കണം എന്ന ആവശ്യം ഉയര്ന്നെങ്കിലും സംസ്ഥാന നേതൃത്വം പരിഗണിച്ചില്ല. പിന്നാലെയാണ് നെന്മാറ ഏരിയ സെക്രട്ടറി കെ പ്രേമനെ സ്ഥാനാര്ത്ഥിയായി സിപിഐഎം തെരഞ്ഞെടുത്തത്.
